About Swamiji

ಗ್ರಂಥಕರ್ತರಾದ ಪೂಜ್ಯ ಶ್ರೀ ಶ್ರೀನಿವಾಸಮೂರ್ತಿ (ಶ್ರೀ ಮೂರ್ತಿಗಳು)
Author, the revered Sri Srinivasa Murthy (“Sri Murthy”)

ಗ್ರಂಥಕರ್ತರ ಕಿರು ಪರಿಚಯ
A brief profile of the author

Swamiji Speech

• ಚಿಚ್ಛಕ್ತಿ ಸ್ವರೂಪಿಣೀ ದುರ್ಗಾಮಾತೆಯೇ ನಮಃ
• ಕಾಷಾಯ ವಸ್ತ್ರಂ ಕರದಂಡ ಧಾರೀಣೀಂ |
• ಕಮಂಡಲುಂ ಪದ್ಮಕರೇಣ ಶಂಖಂ ||
• ಚಕ್ರಂ ಗದಾ ಭೂಷಿತ ಭೂಷಣೌಢ್ಯಂ |
• ಶ್ರೀಪಾದ ರಾಜಂ ಶರಣಂ ಪ್ರಪದ್ಯೇ ||

Click on below links to read more detail

• ಜನನ

  ಶ್ರೀ ಮೂರ್ತಿಗಳ ಮಾತಾ-ಪಿತೃಗಳು ಸಾಧ್ವೀಮಣಿಗಳು, ದೈವೀಭಕ್ತರು ಹಾಗೂ ತಿರುಪತಿ ಶ್ರೀ ವೆಂಕಟೇಶ್ವರ ದೇವರಲ್ಲಿ ಅಪಾರ ಭಕ್ತಿಯುಳ್ಳವರಾದ ಕೃಷ್ಣಪ್ಪ ಮತ್ತು ಸುಬ್ಬಮ್ಮನವರು. ಈ ದಂಪತಿಗಳಿಗೆ ಮನೆದೇವರಾದ ಶ್ರೀ ವೆಂಕಟೇಶ್ವರ ಸ್ವಾಮಿಯ ಕರುಣೆಯಿಂದ ಪುತ್ರ (1906ರಲ್ಲಿ, ಮಧ್ವನವಮಿಯ ದಿನ) ಜನನವಾಯಿತು. ಮಗುವಿಗೆ “ಶ್ರೀನಿವಾಸಮೂರ್ತಿ” ಎಂದು ನಾಮಕರಣ ಮಾಡಿದರು. ತಂದೆ-ತಾಯಿಗಳಿಗೆ ಬಹಳ ಪ್ರೀತಿ ಪಾತ್ರರಾಗಿದ್ದರು ಮತ್ತು ಬಹಳ ಬುದ್ಧಿವಂತರೂ ಆಗಿದ್ದರು. ಸರಿಯಾದ ಕಾಲಕ್ಕೆ ವಿದ್ಯಾಭ್ಯಾಸ, ಉಪನಯನಾದಿಗಳು ನಡೆದವು. ಎಲ್ಲಾ ತರಗತಿಗಳಲ್ಲಿಯೂ ಮೊಟ್ಟಮೊದಲನೆಯ ದರ್ಜೆಯಲ್ಲಿ ಉತ್ತೀರ್ಣರಾಗುತ್ತಿದ್ದರು. ಸಂಧ್ಯಾವಂದನೆಗಳನ್ನು ತಪ್ಪದೆ ಮಾಡುತ್ತಿದ್ದರು. ಈ ವೇಳೆಯಲ್ಲಿ ಬಹಳ ಹೊತ್ತು ಧ್ಯಾನದಲ್ಲಿ ತಲ್ಲೀನರಾಗುತ್ತಿದ್ದರು.
  
  Sri Murthy’s parents, Sri. Krishnappa and Smt. Subbamma, were sagely and pious. By the grace of their deity Sri Venkateshwara Swamy, they had a son, born on the Madhva Navami day of 1906. They christened their new-born son as “Srinivasa Murthy”. Srinivasa Murthy was the darling of his parents. He was very intelligent. He had his education and thread ceremony on time. He always came a topper in all his classes and secured a first class in the examinations. He never skipped his Sandhyavandane and would immerse himself in deep meditation.

• ವ್ಯಾಸಂಗ

  ವೈರಾಗ್ಯದ ಕಡೆ ಮನಸ್ಸು ಬಹಳ ಹೋಗುತ್ತಿತ್ತು. ಆದಾಗ್ಯೂ, ವ್ಯಾಸಂಗವನ್ನು ಅಂದರೆ ಕಾಲೇಜ್ ವಿದ್ಯಾಭ್ಯಾಸವನ್ನು ಚಿಕ್ಕಮಗಳೂರಿನಲ್ಲಿ ಮಾಡುತ್ತಿದ್ದರು. ಅಲ್ಲಿ ಪದವಿಯನ್ನು ಮೊಟ್ಟಮೊದಲನೆಯ ದರ್ಜೆಯಲ್ಲಿ ಪಡೆದರು. ಆ ಸಮಯದಲ್ಲಿ (ಸಖರಾಯಪಟ್ಟಣದ ಅವಧೂತರಾದ ಶ್ರೀ ವೆಂಕಟಾಚಲಯ್ಯ ಅವರ ತಂದೆ-ತಾಯಿಗಳಾದ ಕುದೂರು ಶ್ರೀ ಶ್ರೀನಿವಾಸಯ್ಯ ಮತ್ತು ಶ್ರೀಮತಿ ಶಾರದಮ್ಮ ಇವರ ಪರಿಚಯವಾಯಿತು. ಇವರಲ್ಲಿ ಬಹಳ ಗೌರವ ಮತ್ತು ಪ್ರೀತಿ-ವಿಶ್ವಾಸಗಳನ್ನು ಹೊಂದಿದ್ದರು.) ಹಾಗೂ, ಮಹಾತ್ಮಾ ಗಾಂಧಿಯವರ ಸಿದ್ಧಾಂತಗಳಲ್ಲಿ ಒಲವೂ ಇತ್ತು. ಇವರಿಗೆ ಗುರುವನ್ನು ಪಡೆಯಬೇಕೆಂಬ ಬಯಕೆಯ ಮನಸ್ಸು ಬಹಳ ಹಾತೊರೆಯುತ್ತಿತ್ತು. ಇವರಿಗೆ ಶ್ರೀಕೃಷ್ಣನ ಭಕ್ತಳಾದ ಸೋದರಿಕೆ ಸಂಬಂಧದ ಲಲಿತಮ್ಮನೊಡನೆ ವಿವಾಹವಾಯಿತು.
  
  His mind and soul leaned towards detachment from worldly pleasures. At that time, he was receiving his collegiate education in Chikkamagaluru, from where he graduated in First Class. At that time, he met Kudooru Sri Srinivasaiah and Smt. Sharadamma, the parents of Sri Venkatachalaiah, an Avadhoota from Sakharayapatna. Sri Murthy had great regards and respect for them. He also believed in Mohandas Karamchand Gandhi’s philosophies. Sri Murthy had a great passion in finding a Guru (mentor) He entered wedded life with Lalithamma, a relative and a devotee of Lord Krishna.

  ಶ್ರೀ ಮೂರ್ತಿಗಳವರು ಕುಂಸಿಯಲ್ಲಿಯೇ ಇರುವಾಗ ಅವಧೂತ ಸದ್ಗುರು ಪರಮಪೂಜ್ಯ ಶ್ರೀ ಶ್ರೀ ದತ್ತರಾಜ ಯೋಗೀಂದ್ರರ ಜನ್ಮಸ್ಥಳವಾಗಿದ್ದ ಬನವಾಸಿಯಲ್ಲಿ ಅನೇಕ ವೇದಾಂತ ಪ್ರವಚನಗಳನ್ನು ಮತ್ತು ದೇವತಾ ಕಾರ್ಯಗಳನ್ನು ಮಾಡುತ್ತಿದ್ದರು. ಎಲ್ಲಾ ಕಡೆಗಳಿಗೂ ಸಂಚಾರ ಮಾಡಿ ವೇದಾಂತಗಳ ತತ್ತ್ವ ವಿಚಾರಗಳನ್ನು ಪ್ರಚಾರ ಮಾಡುತ್ತಿದ್ದರು. ಭಕ್ತರುಗಳಿಗೆ ಜ್ಞಾನ ಮಾರ್ಗವನ್ನು ಬೋಧಿಸುತ್ತಿದ್ದರು.
  
  While Sri Murthy was living in Kumsi, he gave Vedantic discourses and involved in religious duties in Banavasi, the birthplace of the revered Sri Sri Dattaraja Yogeendra. He travelled to many places and gave discourses about Vedanta philosophy and provided knowledge to devotees.

• ಪರಬ್ರಹ್ಮನ ದರ್ಶನ

  ಕ್ರಿ.ಶ. 1928ನೆಯ ಕಾರ್ತೀಕ ಮಾಸದ ನವೆಂಬರ್ ತಿಂಗಳ ಕೊನೆಯಲ್ಲಿ ಶ್ರೀ ದತ್ತ ಗುರುವು ಶಿವಮೊಗ್ಗದಲ್ಲಿ ನಡೆದ ಸಹಜಾನಂದ ಗುರುವಿನ ಆರಾಧನಾ ಸಪ್ತಾಹವನ್ನು ಮುಗಿಸಿಕೊಂಡು ಕುಂಸಿಗೆ ಬಂದು ಮಂಜುನಾಥ ಜೋಯಿಸರ ಮನೆಯಲ್ಲಿ ಶ್ರೀ ಮೂರ್ತಿಗಳಿಗೆ ದರ್ಶನವನ್ನು ಕೊಟ್ಟರು. ಮಿತ್ರನಾದ ಶಾಲಾ ಮಾಸ್ತರ ಗುಂಡಪ್ಪನಿಂದ ಯಜ್ಞೋಪವೀತ ಎಂಬ ಬ್ರಹ್ಮಸೂತ್ರವನ್ನು ಬಯಸಿ ಬಂದ ಶ್ರೀ ಮೂರ್ತಿಗಳಿಗೆ ಪರಬ್ರಹ್ಮನ ದರ್ಶನವಾಯಿತು.
  
  In 1928, just before the end of the month of Kartika (November), Sri Datta Guru graced the Aradhana event of Sri Sahajananda Guru. He then arrived at the home of Sri Manjunatha Jois in Kumsi, thus providing an opportunity to Sri Murthy to have his Darshan. Sri Murthy was desirous to have his Thread Ceremony in the august presence of the Guru. His friend Gundappa Master helped Sri Murthy realise his dream.

  ಪೂಜ್ಯ ಗುರುಗಳು ಹಣೆಯಲ್ಲಿ ಭಸ್ಮವನ್ನೂ, ಕುಂಕುಮವನ್ನೂ ಧರಿಸಿ ಕೃಷ್ಣಾಜಿನದ ಮೇಲೆ ಕುಳಿತಿದ್ದರು. ಈ ದಿವ್ಯ ರೂಪವನ್ನು ಅಂದರೆ (ಸಾಕ್ಷಾತ್ ದತ್ತಗುರುವನ್ನೇ ಕಂಡಂತೆ) ನೋಡಿ ಪೂಜ್ಯರ ಪಾದ ಕಮಲಗಳಿಗೆ ಕಮಲದ ಪುಷ್ಪವನ್ನರ್ಪಿಸಿ, ದೀರ್ಘದಂಡ ನಮಸ್ಕಾರ ಮಾಡುತ್ತಿರಲು ಆ ಯತಿಗಳು ಪ್ರತಿಯಾಗಿ ಕೈ ಮುಗಿದರು.
  
  The revered Guru was seated on a Krishnajina (a kind of sacred mat that sages sat in penance in the Epics), with the sacred ash and vermillion on his forehead. Sri Murthy was overcome with delight and immense respect. He felt as if Datta Guru’s divine form was before him. He lay prostrate before the Guru’s lotus feet and offered floral salutations upon them. The Guru folded hands in response.

  ನಂತರ ಯತಿಗಳು “ಶಿವೋಹಂ” ಎಂದು ದೀರ್ಘ ಘೋಷಣೆ ಮಾಡಿದರು. ಈ ದರ್ಶನದಿಂದ ಮೂರ್ತಿಗಳಿಗೆ ಅಪೂರ್ವವಾದ ಆನಂದವಾಯಿತು ಮತ್ತು ಮೈಯೊಳಗೆ ರೋಮಾಂಚನವಾಯಿತು. ನಂತರ ಗುರುಗಳಿಗೆ ಮೂರ್ತಿಗಳನ್ನು ಗುಂಡಪ್ಪನವರು ಪರಿಚಯ ಮಾಡಿಕೊಟ್ಟರು. (ಗುರುಗಳು ಈ ಶಿಷ್ಯನನ್ನೇ ಕಾಯುತ್ತಿದ್ದರು ಎನ್ನುವಂತೆ ಭಾಸವಾಗುತ್ತದೆ.)
  
  He then said, “Shivoham” in a clear tone. Sri Murthy experienced immense delight from the Darshan of the saint and experienced a surreal feel. Gundappa then introduced Sri Murthy to the saint. It seemed as if the Guru (saint) was awaiting this particular disciple.

  ನಂತರ ಮರುದಿನ ಗುರುವಿನ ಹತ್ತಿರ ಬಂದು ಮೂರ್ತಿಗಳವರು ತಮ್ಮಿಂದ ಉಪದೇಶವಾಗಬೇಕೆಂದು ಪ್ರಾರ್ಥಿಸಿದರು. ಆಗ ಗುರುಗಳು ಬಹಳ ಸಂತೋಷದಿಂದ ಮೂರ್ತಿಗಳಿಗೆ ಮಹಾ ಮಂತ್ರವನ್ನು ಉಪದೇಶಿಸಿದರು. ಆ ದಿನದಿಂದ ಇಂದಿನವರೆಗೂ ಗುರುವಿನ ಆಜ್ಞೆಯಂತೆಯೇ ನಡೆದುಕೊಂಡು ಬಂದರು.
  
  The next day, Sri Murthy approached the saint and requested him to impart knowledge. The saint readily agreed and taught a MahaMantra to Sri Murthy. From then on, Sri Murthy followed his Guru’s advices and instructions.

• ವಿರಕ್ತ ಸ್ವಭಾವ

  ಶ್ರೀ ದತ್ತರಾಜ ಯೋಗೀಂದ್ರರ ಜೊತೆಯಲ್ಲಿಯೇ ಎಲ್ಲಾ ಕಡೆಗೂ ಸಂಚಾರ ಮಾಡುತ್ತಿದ್ದರು. ಮೂರ್ತಿಗಳವರು ಜೀವನಕ್ಕಾಗಿ ಭದ್ರಾವತಿಯಲ್ಲಿ 25/01/1928ರಂದು ಉದ್ಯೋಗಕ್ಕೆ ಸೇರಿ ಎರಡೂವರೆ ವರ್ಷಗಳು ಮಾತ್ರ ಪತ್ನೀಸಹಿತವಾಗಿ ಗೃಹಸ್ಥ ಜೀವನ ನಡೆಸಿದರು. ಗೃಹಸ್ಥ ಧರ್ಮವು ಅವರ ತೀವ್ರವಾದ ವಿರಕ್ತ ಸ್ವಭಾವಕ್ಕೆ ಸ್ವಲ್ಪವೂ ಶಾಂತಿ ಸಮಾಧಾನಗಳನ್ನು ಕೊಡಲಿಲ್ಲ.
  
  Sri Murthy accompanied Sri Dattaraja Yogeendra on his itineraries. To eke out a living, Sri Murthy got a job on 26 in Bhadravati in Shivamogga district. He could lead his married life only for about two-and-half years. He could not settle into his married life due to his detached nature.

  ಸ್ವಾಮಿ ರಾಮತೀರ್ಥರ ಉಪನ್ಯಾಸಗಳನ್ನು ಚಿಕ್ಕಮಗಳೂರಿನಲ್ಲಿ ನಿರ್ಮಲವಾದ ಕ್ರೈಸ್ತ ಸ್ಮಶಾನದ ಏಕಾಂತದಲ್ಲಿ ಮರದ ಮೇಲೆ ಕುಳಿತು ಶ್ರದ್ಧೆ ತಲ್ಲೀನತೆಯಿಂದ ವ್ಯಾಸಂಗ ಮಾಡುತ್ತಿದ್ದರು. ಒಂದೇ ಹೊತ್ತು ಸಪ್ಪೆಯ ಆಹಾರವನ್ನು ಮಿತವಾಗಿ ಸೇವಿಸುತ್ತಾ ಗುರುಚಿಂತನೆಯಲ್ಲಿ ಮಲಗಿರುವಾಗ ದತ್ತಗುರುವು ದೇಹವನ್ನು ಪ್ರೇಮದಿಂದ ಆಲಿಂಗನ ಮಾಡಿಕೊಂಡು ಒಳಗೆ ಪ್ರವೇಶ ಮಾಡಿದಂತಾಯಿತು.
  
  Sri Murthy used to study Swami Ramatirtha’s discourses in the tranquillity, seated on a tree in a Christian graveyard. He also ate a single bland meal per day, that too in limited quantities. On one of the nights, while sleeping, he felt as if Sri Datta Guru hugged him with love and entered his body.

  ಕನಸಿನಲ್ಲಿಯೇ ಭಾವಾವೇಶದಿಂದ ದಿಗಂಬರನಾಗಿ “ಓಂ” ... “ಓಂ” ... ದತ್ತ ದಿಗಂಬರನೆಂದು ಉಚ್ಚರಿಸುತ್ತಾ ಕುಣಿದಾಡುತ್ತಿದ್ದರು. ನಂತರ ಎಚ್ಚರವಾಯಿತು. ಮನಸ್ಸಿಗೆ ಆನಂದವಾಯಿತು.
  
  Overcome with passion, he leapt and danced, chanting “OM … OM”. Then he woke up from the dream. He realised about the dream and felt very happy.

  ಶ್ರೀ ಶ್ರೀ ಸಹಜಾನಂದ ಗುರುಗಳ ಸಮಾಧಿಯು ಕೋರಗಲ್ ಗ್ರಾಮದ ಹತ್ತಿರ ತುಂಗಭದ್ರಾ ನದಿಯ ತಟದಿಂದ ಸ್ವಲ್ಪ ದೂರದಲ್ಲಿ ಇದ್ದಿತು. ಕ್ರಿ.ಶ. 1916-17ರಲ್ಲಿ ಸಹಜಾನಂದರ ಸಮಾಧಿಯಾದ ಕೂಡಲೇ ತಾತ್ಕಾಲಿಕವಾಗಿ ಮಾಡಿದ ಸಣ್ಣ ಆವರಣವೊಂದನ್ನು ತೆಗೆದು ಅಲ್ಲಿ ಸಮಾಧಿಯ ಮೇಲೆ ಸಣ್ಣದೊಂದು ಶಿಲಾ ದೇವಾಲಯವನ್ನು ಕಟ್ಟಬೇಕೆಂದು ಗುರುಗಳು ಶ್ರೀ ಮೂರ್ತಿಯವರಿಗೆ ತಿಳಿಸಿದರು. ಆಗ ಮೂರ್ತಿಗಳು ಕೋರಗಲ್ಲಿಗೆ ಹೋಗಿ ಕೆಲಸವನ್ನು ಪ್ರಾರಂಭ ಮಾಡಿಸಿದರು.
  
  The samadhi of Sri Sri Sahajananda Guru was located near the banks of River Tungabhadra, in Koragallu Village. A few years after his samadhi, circa 1916-17, the Guru instructed Sri Murthy to have a small temple constructed with stones. Accordingly, Sri Murthy moved to Koragallu and oversaw the civil works.

  ಆಗ ಸಿಮೆಂಟ್ ಇರಲಿಲ್ಲ. ಗಾರೆಯನ್ನು ಅರೆಯಬೇಕಾಗಿದ್ದಿತು. ಕೆಲಸದವರ ಜೊತೆಯಲ್ಲಿ ತಾವೂ ಕೆಲಸದಲ್ಲಿ ನಿರತರಾಗುತ್ತಿದ್ದರು. ಮೂರ್ತಿಗಳು ಕೋರಗಲ್ಲಿನಲ್ಲಿದ್ದಾಗ ಊರೊಳಗೆ ಹೋಗಿ ಧಾನ್ಯ ಭಿಕ್ಷೆಯನ್ನು ಬೇಡಿ ಭೋಜನವನ್ನು ಮಾಡುತ್ತಿದ್ದರು. ಬಾವಿಯ ನೀರಿನಿಂದ ಸ್ನಾನ ಮಾಡಿ ಜಪ ಧ್ಯಾನಾದಿಗಳನ್ನುದತ್ತ ಮಾಡುತ್ತಿದರು. ಕಟ್ಟಡದ ಕಾರ್ಯಗಳು 1934ನೇ ಇಸವಿ ಮೇ-ಜೂನ್ ತಿಂಗಳಲ್ಲಿ ಮುಗಿಯಿತು. ಶ್ರೀ ದತ್ತ ಗುರುಗಳು ಅಲ್ಲಿಗೆ ಬಂದು ವಿಶೇಷ ಪೂಜಾದಿ ಮಂಗಳ ಕಾರ್ಯಕ್ರಮಗಳನ್ನು ಪೂರೈಸಿದರು.
  
  Cement was not available during those days. Sri Murthy also worked along with the labourers. During his stay in Koragallu, Sri Murthy had his food that he accumulated by begging through the streets of the village. He bathed in water drawn from a well and meditated. The temple construction was completed in May or June 1934. Sri Datta Guru arrived there and conducted special poojas and auspicious ceremonies at the temple.

• ಶ್ರೀ ದತ್ತ ಗುರುಗಳ ಆಪ್ತ ಶಿಷ್ಯರು

  ಶ್ರೀ ದತ್ತ ಗುರುಗಳಿಗೆ ಬಹಳ ಆಪ್ತ ಶಿಷ್ಯರುಗಳು ಶ್ರೀಮತಿ ಗೌರಮ್ಮ ರಾಮರಾಯರು, ಶ್ರೀಮತಿ ರಾಧಾಬಾಯಿ, ಸೊರಬದ ಶ್ರೀಮತಿ ಗಂಗಮ್ಮ, ಶ್ರೀಮತಿ ಅಶ್ವತ್ಥಮ್ಮ ಹಾಗೂ ಶ್ರೀ ಮೂರ್ತಿಗಳು. ಕ್ರಿ.ಶ. 1931ನೆಯ ಸೆಪ್ಟೆಂಬರ್ ತಿಂಗಳಲ್ಲಿ ಪೂಜ್ಯ ಪಾದರು ಹೊಳಲ್ಕೆರೆಯಲ್ಲಿರುವಾಗ ಶ್ರೀ ಶ್ರೀ ಶಂಕರಲಿಂಗ ಭಗವಾನರು ಗುರುಗಳ ಪ್ರಥಮ ದರ್ಶನವನ್ನು ಪಡೆದರು. ಶ್ರೀ ಗುರುವು ಶ್ರೀ ಭಗವಾನರಿಗೆ ಪೂರ್ಣ ಆಶೀರ್ವಾದವನ್ನು ಮಾಡಿದರು. ಶ್ರೀ ಮೂರ್ತಿಗಳು ಗುರುವಿನಲ್ಲಿಟ್ಟ ಶ್ರದ್ಧಾಭಕ್ತಿಗಳು ಅವರ ಒಳ್ಳೆಯ ನಡತೆ, ಮಿತಭಾಷೆಗಳು ಬಹಳ ಪ್ರಿಯವಾಗಿದ್ದವು.
  
  Besides Sri Murthy, Smt. Gauramma Rama Rao, Smt. Radha Bai, Smt. Gangamma, Smt. Ashwatthamma of Soraba, Shivamogga District were the ardent disciples of Sri Datta Guru. In September 1931, when the saint was in Holalkere, Chitradurga District, Sri Sri Shankaralinga Bhagawan had a Darshan of the saint. The saint blessed Sri Bhagawan. He was impressed by Sri Murthy’s devotion to the Guru, good behaviour and mild-mannered talk.

  ಕ್ರಿ.ಶ. 1933ರಲ್ಲಿ ಗುರುಗಳು, ಬಹಳ ವರ್ಷಗಳು ಧ್ಯಾನಾಭ್ಯಾಸವನ್ನು ಮಾಡಿ ಆನಂದಾನುಭಾವವನ್ನು ಪಡೆದಿದ್ದ ಪ್ರೀತಿಯ ಶಿಷ್ಯರಾದ ಶ್ರೀ ಶಂಕರಲಿಂಗ ಭಗವಾನರು ನೂಲೇನೂರಿನಿಂದ ಶಿಷ್ಯಸಮೇತರಾಗಿ ಚನ್ನಗಿರಿಗೆ ಬಂದು ದರ್ಶನವನ್ನು ಪಡೆದು ಗುರುಗಳನ್ನು ನುಲೇನೂರಿಗೆ ಕರೆದುಕೊಂಡು ಹೋದರು.
  
  In 1933, the saint, along with his disciple Sri Shankaralinga Bhagawan, arrived in Channagiri from Nulenuru. Sri Bhagawan had practiced meditation and achieved spiritual enlightenment under the tutelage of the saint.

  ಶ್ರೀ ದತ್ತರಾಜ ಯೋಗೀಂದ್ರರು ನುಲೇನೂರಿನ ದಕ್ಷಿಣ ದಿಕ್ಕಿನಲ್ಲಿ ಊರಿನ ಪಕ್ಕದಲ್ಲಿಯೇ ಇರುವ ಒಂದು ಹೊಲವನ್ನು ತೋರಿಸಿ, ಪೂಜ್ಯರು ಪಾದವನ್ನಿರಿಸಿ ಇಲ್ಲಿಯೇ ಮುಂದೆ ಆಶ್ರಮವಾಗಬೇಕೆಂದು ಅಸ್ತಿಭಾರವನ್ನು ಹಾಕಿ ಮಂಗಳ ಮಹೂರ್ತ ಮಾಡಿದರು ಮತ್ತು ಇನ್ನು ಮುಂದೆ ಸಂಚಾರವನ್ನು ನಿಲ್ಲಿಸಿ ನಾವು ಬಂದು ಆಶ್ರಮದಲ್ಲಿಯೇ ನೆಲೆಗೊಳ್ಳುವುದಾಗಿ ದತ್ತ ಗುರುವು ಭಗವಾನರಿಗೆ ತಿಳಿಸಿದರು.
  
  Sri Dattaraja Yogeeendra visited a piece of land in the southern part of Nulenuru. He placed his feet there and indicated that the Ashram should be built at this spot. He also conducted the auspicious pooja required for the commencement of construction. He also said that he would stop travelling from place to place and set up base at this Ashram.

• ಸಹಜಾನಂದರ ಮಠ

  ಮೂರ್ತಿಗಳಿಂದ ಸಹಜಾನಂದರ ಮಠವು ಪೂರ್ಣವಾಗಿದೆ ಎಂದು ಪತ್ರವು ಬರಲು ಗುರುಗಳು ಕೋರಗಲ್ಲಿಗೆ ಹೋಗಿ, ಅಲ್ಲಿ ಒಂದು ಮಂಡಲ ನಲವತ್ತೆರಡು ದಿನಗಳು ವಾಸಮಾಡಿ ಭಜನೆ-ಸಂತರ್ಪಣೆಗಳನ್ನು ನಡೆಸಿದರು. ಸಹಜಾನಂದರೂ, ಅದಿಶಂಕರಾಚಾರ್ಯರೂ ಕೈಕೈ ಹಿಡಿದುಕೊಂಡು ಆನಂದದಿಂದಲೂ, ಉತ್ಸಾಹದಿಂದಲೂ ಆಶ್ರಮದ ಸುತ್ತಲೂ ಓಡಾಡುತ್ತಿದ್ದಾರೆ ಎಂದು ತಮ್ಮ ನಿರ್ವಿಕಲ್ಪ ಸ್ಥಿತಿಯಲ್ಲಿ ತಾನಾಗಿಯೇ ಹೊಳೆಯಿತೆಂದು ಗುರುಗಳು ಗುಟ್ಟಾಗಿ ಮೂರ್ತಿಗಳಿಗೆ ಹೇಳಿದರು.
  
  Sri Murthy informed through a letter that the construction of the shrine (Matth) was completed. The saint (Guru) went to Koragallu and stayed for 42 days. During this period, he conducted the auspicious ceremonies and pooja procedures. The Guru whispered to Sri Murthy that he visualised Sri Sahajananda and Adi Shankaracharya were in tandem.

• ಗುರುವಿನ ಆಜ್ಞೆ

  1932ರಲ್ಲಿ ಸಪ್ತಾಹದ ಅಂಗವಾಗಿ ಗುರುವಿನ ಆಜ್ಞೆಯಂತೆ ಶ್ರೀ ಮೂರ್ತಿಗಳು ಏಕಾಂಗಿಯಾಗಿ ಗುರುಚಿಂತನೆ ಮಾಡುತ್ತಾ 55 ಮೈಲಿಗಳ ಪಾದಯಾತ್ರೆಯ ಮೂಲಕ ಶಿವಮೊಗ್ಗ, ಶಿಕಾರಿಪುರ, ಸೊರಬ, ಹೊಸಬಾಳೆ, ಕೆಳದಿ, ಸಾಗರ ಪ್ರಾಂತ್ಯದ ಭಕ್ತರಲ್ಲಿ ಸಪ್ತಾಹಕ್ಕಾಗಿ ಕೊಟ್ಟ ಧನ-ಧಾನ್ಯಗಳ ಸಮೇತ ಸದ್ಗುರುಗಳು ವಾಸ್ತವ್ಯವಾಗಿದ್ದ ಹೊಳೆಹೊನ್ನೂರನ್ನು ಅಹೋರಾತ್ರಿಯಲ್ಲಿ ತಲುಪಿ ವಿಶ್ರಾಂತಿಯನ್ನು ಪಡೆಯುತ್ತಿದ್ದ ಗುರುಗಳ ದರ್ಶನವನ್ನು ಮಾಡಿದರು.
  
  In 1932, as part of a week-long ritual and the Guru’s instructions, Sri Murthy chanted the name of the Guru in isolation and embarked on a padayatra (travel by foot) of Shivamogga, Shikaripura, Soraba, Hosabale, Keladi and Sagara. He arrived in Holehonnuru, the place where the revered Guru camped, in the night, along with the funds and food ingredient offerings that he had collected. Sri Murthy visited the Guru who was resting at that time.

  ಮಧ್ಯರಾತ್ರಿಯಲ್ಲಿ ಮನೆಗೆ ದೊಡ್ಡ ಗಂಟನ್ನು ಹೊತ್ತುಕೊಂಡು ಬಂದ ಶ್ರೀ ಮೂರ್ತಿಗಳ ಗುರುಭಕ್ತಿಗೆ ಶ್ರೀ ದತ್ತ ಗುರುಗಳು ಆಶ್ಚರ್ಯವನ್ನೂ, ಸಂತೋಷವನ್ನೂ ವ್ಯಕ್ತಪಡಿಸಿದರು. ಗುರುಭಕ್ತರಾದ ವೆಂಕಟೇಶರಾಯರು ಶ್ರೀ ಮೂರ್ತಿಗಳ ಈ ಮಹತ್ಕಾರ್ಯವನ್ನು ಬ್ರಹ್ಮಚರ್ಯೆಯ ಮಹಿಮೆ ಎನ್ನಲು ಮೂರ್ತಿಗಳು ನಮ್ರತೆಯಿಂದ ಮೃದುವಾಗಿ ಗುರುಗಳ ಪ್ರೇಮಾಕರ್ಷಣೆಯ ಪ್ರಭಾವ ಎಂದು ಹೇಳಿದರು. ಗುರುಗಳು ಮೂರ್ತಿಗಳ ಮಾತನ್ನು ಮೆಚ್ಚಿ, “ಜಡವಾದ ಬ್ರಹ್ಮಚರ್ಯೆಯಿಂದ ಶಕ್ತಿಸಂಗ್ರಹವಾಗಬಹುದೇ ಹೊರತು ಅದು ವಿಶೇಷವಾಗಿ ಕ್ರಿಯಾಶೀಲವಾಗಬೇಕಾದರೆ ಮಹಾತ್ಮರ ವಿಭೂತಿ ಚೈತನ್ಯದ ಪ್ರೇಮಾಕರ್ಷಣೆಯ ಭಾವೋತ್ಕರ್ಷವೇ ಕಾರಣವಾಗುತ್ತದೆ” ಎಂದರು.
  
  The Guru was surprised and elated upon seeing Sri Murthy come home with a huge sack. Venkatesh Rao, another devotee of Guru said that this was the greatness of celibacy, to which Sri Murthy humbly replied that this was all the grace and blessings of the Guru. Appreciating Sri Murthy’s words, Guru said that thorough celibacy would only accumulate energy, but if this energy has to work, it needs the grace of the supreme soul.

  ಪ್ರತಿನಿತ್ಯದಂತೆ ಗುರುಗಳ ಪಾದಸೇವೆಯನ್ನು ಶ್ರೀ ಮೂರ್ತಿಗಳು ಮಾಡುತ್ತಿರುವಾಗ ಒಮ್ಮೆ., “ಅಪ್ಪಾ, ತಾವು ಆಗಾಗ ಅಪರೂಪವಾಗಿ ಕರುಣಾರಸವಾಗಿ ಭಾವಭರಿತವಾಗಿ ನಿರೂಪಿಸುವ ತಮ್ಮ ಅಮೋಘವಾದ ಅಮೃತಾನುಭವವನ್ನು ಪುಣ್ಯಾತ್ಮರು ಯಾರಾದರೂ ಉತ್ತಮವಾಗಿ ಉಲ್ಲೇಖಿಸಿಟ್ಟರೆ ಭಕ್ತರುಗಳಿಗೆ ಬಹಳ ಉಪಕಾರವಾಗುತ್ತದೆಯಲ್ಲ” ಎಂದರು. ಆಗ ಗುರುಗಳು ಪ್ರೇಮದಿಂದ ಆಶೀರ್ವಾದಿಸಿದಂತೆ ಪುಣ್ಯಾತ್ಮರಾದ ಆ ಚರಿತ್ರ ಲೇಖಕರು ನೀವೇ ಆಗಬಹುದಲ್ಲ, ಬೇರೆ ಯಾರಾದರೂ ಏಕಾಗಬೇಕು? ಎಂದು ಪೂರ್ಣ ಆಶೀರ್ವಾದವನ್ನು ಮಾಡಿದರು.
  
  When Sri Murthy was involved in the service of the sacred feet of the Guru, he said, “Sir, when someone can document your invaluable experiences, it can help the devotees greatly”. The Guru responded endearingly, “You can write it yourself; you can be the author; why should you pass on the opportunity to someone else?” He then blessed Sri Murthy.

  ಇದೇ ಆಶೀರ್ವಾದದಿಂದ ಮೊದಲನೇ ಚರಿತ್ರೆಯನ್ನು ಶ್ರೀ ದತ್ತಾರಾಜ ಯೋಗೀಂದ್ರ ಸದ್ಗುರು ಚರಿತಾಮೃತವನ್ನು ಗದ್ಯಪದ್ಯಗಳಲ್ಲಿ ಬರೆದರು. ನಂತರ ಮಹಾ ಮಹಾಗ್ರಂಥಗಳು (ಒಟ್ಟು 21 ಗ್ರಂಥಗಳು) ಪ್ರಕಟಗೊಂಡು ಕೀರ್ತಿಯನ್ನು ಪಡೆದರು.
  
  Subsequent to being blessed by the Guru, Sri Murthy wrote about Sri Dattaraja Yogeendra Sadguru in a mixture of prose and poetry. Thereafter, he wrote many books, 21 in all, and earned name and fame.

• ಬೋಧನೇ

  ಗುರುಗಳು 12-12-1934ರಲ್ಲಿ ಚನ್ನಗಿರಿಯಿಂದ ನುಲೇನೂರಿಗೆ ಗೌರಮ್ಮನವರು, ರಾಧಾಬಾಯಿ ಮೂರ್ತಿಗಳು ವೆಂಕಟಪತಿಗಳೊಡನೆ ಬಂದರು. ಶ್ರೀ ಭಗವಾನರು ಮತ್ತು ಭಕ್ತರು ಗುರುದೇವರನ್ನು ಎದುರುಗೊಂಡು ಸ್ವಾಗತಿಸಿ ಅರ್ಘ್ಯಾಪಾದ್ಯಾದಿಗಳನ್ನು ಸಮರ್ಪಣೆ ಮಾಡಿ ತಮ್ಮ ಮನೆಯಲ್ಲಿಯೇ ಉಳಿಸಿಕೊಂಡರು.
  
  The Guru, accompanied by Smt. Gowramma, Smt. Radhabai Murthy and Sri Venkatapati, arrived in Nulenuru from Chennagiri on 12 December 1934. Sri Bhagawan and devotees welcomed the Guru and offered Arghya and other auspicious rituals and hosted the trio at his residence.

  ಅಲ್ಲಿ ಪೂಜೆ, ಭಜನೆ, ಮಂಗಳಾರತಿ, ಪ್ರವಚನಗಳು ಮುಗಿದು ಬಹಳ ಹೊತ್ತಿನ ಮೇಲೆ ಎಲ್ಲರೂ ಎದ್ದು ವಿಶ್ರಾಂತಿಯನ್ನು ಪಡೆದರು. ಗುರುಗಳ ಶರೀರದಲ್ಲಿ ಕೆಲವು ದಿನಗಳಿಂದ ಕಫ ದೋಷವು ಹೆಚ್ಚಾಗಲು ಪ್ರಾರಂಭಿಸಿತು. ಮೂರ್ತಿಗಳು ಹೊಳಲ್ಕೆರೆಯಿಂದ ಕರೆದುಕೊಂಡು ಬಂದ ವೈದ್ಯರಿಂದ ಚಿಕಿತ್ಸೆಯನ್ನು ಮಾಡಿಸಿದರು.
  
  Poojas, Bhajans and discourses were conducted there and everyone rested after these programmes. The Guru experienced phlegm issue to which Sri Murthy brought a doctor from Holalkere and arranged the treatment for the Guru.

  ಯಾವ ಚಿಕಿತ್ಸೆಯೂ ಪ್ರಯೋಜನವಾಗಲಿಲ್ಲ. ಅದರೆ ಗುರುಗಳು ಶಿಷ್ಯರು ಮಾಡುತ್ತಿದ್ದ ಉಪಚಾರವನ್ನು ಸ್ವೀಕರಿಸುತ್ತಿದ್ದರು. ಪರಮಾರ್ಥ ದೃಷ್ಟಿಯಿಂದ ವಿಚಾರ ಮಾಡಿದರೆ ನಿಜಾನಂದದಲ್ಲಿರುವ ಜ್ಞಾನಿಗೆ ತನ್ನ ಶರೀರ ಸಹಿತವಾಗಿ ಸಕಲ ಜಗತ್ತೂ ಬ್ರಹ್ಮಾತ್ಮ ಸ್ವರೂಪವಾಗಿರುವುದರಿಂದ ಶರೀರವು ಅದರ ಸುಖ ದುಃಖಗಳೂ ಎಚ್ಚರ ದೃಷ್ಟಿಯಲ್ಲಿ ಕನಸಿನ ಅನುಭವದಂತೆ ಕೇವಲ ಹುಸಿ ತೋರಿಕೆಯಾಗುತ್ತದೆ. ಅದ್ವಿತೀಯ ಆತ್ಮವೇ ಸರ್ವ ಜಗತ್ತಾಗಿ ಪ್ರಾರಬ್ಧ ಭೋಗಕ್ಕೆ ಜ್ಞಾನಿಯು ಸಾಕ್ಷಿಯಾಗಿರುತ್ತಾನೆ. ಗುರುಗಳು ತಮ್ಮ ಶರೀರದ ಅಸ್ವಸ್ಥತೆಯು ಸ್ವಲ್ಪ ಕಡಿಮೆಯಾದಾಗ ಭಕ್ತರಿಗೆ ಹೀಗೆ ಬೋಧಿಸುತ್ತಿದ್ದರು: “ಶರೀರೇಂದ್ರಿಯಾದಿಗಳು ಸತ್ಯವೆಂದೂ-ತಾನೆಂದೂ, ತನ್ನವೆಂದೂ ಭ್ರಾಂತಿ ಇರುವವರಿಗೆ ಶರೀರದ ಸುಖ-ದುಃಖಗಳೂ ಸತ್ಯವೆನಿಸಿ ಬಾಧಿಸುತ್ತವೆ. ಸಚ್ಚಿದಾನಂದ ಸ್ವರೂಪ ಆತ್ಮ ಒಂದೇ ಪರಮ ಸತ್ಯವೆಂದೂ, ಅಹಂಕಾರಾದಿಯೆಂದೂ ನಿಶ್ಚಯ ಜ್ಞಾನವುಳ್ಳವರಿಗೆ, ಬಾಧೆಯಾಗಿ ದುಃಖವಾಗಿ ತೋರುವುದೂ ಸಹ ಹುಸಿ ತೋರಿಕೆ ಮಾತ್ರವಾಗುತ್ತದೆ. ಜ್ಞಾನಿಗೆ ದೇಹವು ತೋರುತ್ತಿದ್ದ್ರರೂ ನಿಜವೆನಿಸುವುದಿಲ್ಲ.
  
  However, the treatment was unsuccessful. The Guru accepted the services from his disciples. From the point of view of the supreme almighty, for someone that is enlightened and enjoying true happiness, the entire universe, inclusive of his body is literally the form of Brahma, and thus happiness and sorrow are just apparent illusions. The soul, which is second to none would be a witness to the pagan pleasures. When the Guru’s illness began to subside, he lectured to his devotees, saying, “For all those under the illusion that the bodily existence is the truth, the happiness and sorrows of the body will trouble them. Only the supreme soul is true and those with arrogance will be troubled. For the enlightened, the body, though visible will be an illusion.”

• ಲೀನವಾಯಿತು

  ಗುರುವಾರ ಪೂರ್ಣಿಮಾ, ದತ್ತಾತ್ರೇಯ ಜಯಂತಿಯಂದು ಪರಮ ಪವಿತ್ರವೂ ಪೂಜ್ಯವೂ ಆದ ಸದ್ಗುರು ಸಚ್ಚಿದಾನಂದ ಪರಂಪರೆಯ ಅವಿಚ್ಛಿನ್ನ ಸಂಪ್ರದಾಯಕ್ಕೆ ಮೂಲ ಪ್ರವರ್ತಕನಾದ ದತ್ತಾತ್ರೇಯನು ಪುಣ್ಯಸ್ಮರಣೆಯ ಪ್ರತಿ ಸಂವತ್ಸರದ ಪುನರುದಯವಾದ ಆ ಪೂರ್ಣಿಮಾ ಸುಪ್ರಭಾತದಲ್ಲಿ ವಸಂತೋದಯದ ಉಲ್ಲಾಸದಲ್ಲಿ ಮರೆಯಾದಂತೆ ನೂತನ ದತ್ತಾತ್ರೇಯ ಸದ್ಗುರುವಿನ ಅವತಾರೋದಯದ ಸ್ಮಾರಕ ದಿನದ ಸಂಭ್ರಮದಲ್ಲಿ ಲೀನವಾಯಿತು.
  
  It was a Thursday, the occasion of Dattatreya Jayanti. Sri Dattatreya, who heralded the strong heritage and tradition of the supremely revered Sadguru Sachidananda literally descended to Earth and partook in the Datta Jayanti celebrations from dawn to dusk.

  ಮೂಲ ದತ್ತನ ಜನ್ಮದಿನವೇ ದತ್ತಗುರುವು ತನ್ನ ಅವತಾರದ ವೇಷವನ್ನು ಕಳಚಿಡುತ್ತಾ ಮಲಗಿದ್ದನು “ಓಂ”ಕಾರವನ್ನು ಉಚ್ಚರಿಸುತ್ತಾ ಸಾಕ್ಷಾತ್ ಪರಬ್ರಹ್ಮವೇ ಆಗಿದ್ದ ಸದ್ಗುರುವು 1934, ಮಾರ್ಗಶಿರ ಮಾಸ ಪೂರ್ಣಿಮೆಯಂದು ಪರಬ್ರಹ್ಮದಲ್ಲಿ ಲೀನವಾಗಿ ಮಹಾಸಮಾಧಿಯನ್ನು ಪಡೆದರು. ನಂತರ ಶ್ರೀ ಶಂಕರಲಿಂಗ ಭಗವಾನರು ಗುರುಗಳ ಪವಿತ್ರವಾದ ಶರೀರವನ್ನು ಈ ಮುಂಚೆ ತೋರಿಸಿದ್ದ ಸ್ಥಳದಲ್ಲಿಯೇ ಸಮಾಧಿಯನ್ನು ಮಾಡಿದರು. ನಂತರ ಅಖಂಡ ಭಜನೆ ಸಪ್ತಾಹವು ಏಳು ದಿನಗಳ ಕಾಲ ನಡೆದು ಭಕ್ತಾದಿಗಳಿಗೆ ಅನ್ನಸಂತರ್ಪಣೆಯನ್ನು ಮಾಡಿದರು.
  
  On the very day of the advent of Sri Dattatreya, he shed his avatar and rested. On the full moon day of the month of Margashira in 1934, Sadguru, who was literally the supreme soul, attained “mahasamadhi”. Subsequently, Sri Shankaralinga Bhagawan arranged to place the sacred mortal remains of the Guru at the place indicated by the Guru himself. Bhajans and prayers and food offerings were made on the seven days from the samadhi.

  ಕಾಶೀ ಪ್ರಾಂತ್ಯದಿಂದ ತರಿಸಿದ್ದ ಅಮೃತಶಿಲೆಯ ದತ್ತಾತ್ರೇಯು ಮೂರ್ತಿಯನ್ನು ಪ್ರತಿಷ್ಠಾಪನೆ ಮಾಡಬೇಕೆಂದು ಎಷ್ಟು ಸಲ ಪ್ರಯತ್ನ ಮಾಡಿದರೂ ಸಾಧ್ಯವಾಗದೆ ಅದು ಗುರುಗಳ ಮನೆಯಲ್ಲಿಯೇ ಉಳಿದಿತ್ತು. ಈ ಜವಾಬ್ದಾರಿಯನ್ನು ಮೂರ್ತಿಗಳಿಗೆ ವಹಿಸಿದ್ದರು. ಆದ್ದರಿಂದ ಮೂರ್ತಿಗಳು ಪತ್ನಿಸಹಿತ ಬನವಾಸಿಯಲ್ಲಿಯೇ ಉಳಿದಿದ್ದರು. ಆದರೂ ಈ ದತ್ತ ಮೂರ್ತಿಯ ಪ್ರತಿಷ್ಠೆಯು ಕಾರಣಾಂತರದಿಂದ ಮೂರ್ತಿಗಳಿಂದ ಆಗಲಿಲ್ಲ. ಈಗ ಗುರುಗಳ ಮೊಮ್ಮಗನಾದ ಶ್ರೀ ನಾಡಿಗರ್ ಇವರಿಂದ ಪ್ರತಿಷ್ಠಾಪನೆಯು ಆಗಬೇಕಿದೆ.
  
  An AmrutaShila idol of Sri Dattatreya was brought from Kashi and had to be consecrated. However, in spite of many attempts, it could be done so. The idol remained in the Guru’s house. Even Sri Murthy, who had the responsibility of getting the idol consecrated, could not do so due to circumstances. He had stayed along with his wife in Banavasi to fulfil this responsibility. Now, Sri Nadiger, the grandson of the Guru, has to consecrate this idol.

• ಶ್ರೀ ದತ್ತಾಶ್ರಮವನ್ನು ವಹಿಸಿಕೊಟ್ಟರು

  ನುಲೇನೂರಿನಲ್ಲಿ ಭಗವಾನರ ಜಯಂತಿ ಉತ್ಸವವು ಮುಗಿದ ಮೇಲೆ ತಾವೇ ಬನವಾಸಿಯಿಂದ ಮೊದಲೇ ವಿಶೇಷ ಪ್ರೇಮದಿಂದ ಕರಿಸಿಕೊಂಡಿದ್ದ ತಮ್ಮ ಗುರುಬಂಧುಗಳಾದ ಶ್ರೀನಿವಾಸ ಮೂರ್ತಿಗಳಿಗೆ ಅನೇಕ ಭಕ್ತರ ಸಮಕ್ಷಮದಲ್ಲಿ ಭಗವಾನರು ನುಲೇನೂರು ಶ್ರೀ ದತ್ತಾಶ್ರಮವನ್ನು ವಹಿಸಿಕೊಟ್ಟು ಅದರ ವ್ಯವಸ್ಥಾಪಕರನ್ನಾಗಿ ನಿಯಮಿಸಿದರು.
  
  Upon conclusion of the Datta Jayanti celebrations in Nulenuru, Sri Bhagawan called Sri Murthy from Banavasi and entrusted him the responsibility of managing the Nulenuru Ashram, in the presence of many devotees.

  ತಮ್ಮಿಬ್ಬರ ಸದ್ಗುರುಗಳೂ ಒಬ್ಬರೇ ಅಗಿರುವುದರಿಂದಲೂ ಮತ್ತು ಇಬ್ಬರ ಪೂಜ್ಯ ಮಾತಾಪಿತೃಗಳ ಪುಣ್ಯನಾಮಗಳೂ ಒಂದೇ ಆಗಿರುವುದರಿಂದಲೂ ನಾನು ಈ ಆಶ್ರಮವನ್ನು ಶ್ರೀ ಮೂರ್ತಿಗಳಿಗೆ ವಹಿಸಿದ್ದೇನೆ ಎಂದು ತಮ್ಮ ಶಿಷ್ಯರುಗಳಿಗೆ ಹೇಳಿದರು ಮತ್ತು ಇಚ್ಛಾಪತ್ರವನ್ನು ಸಹ ಭಗವಾನರು ಬರೆಸಿಕೊಟ್ಟರು. (07-09-1939). ಶ್ರೀ ಮೂರ್ತಿಗಳಿಂದ ರಚಿತವಾದ ಶ್ರೀ ಬನವಾಸಿಯ ದತ್ತಾತ್ರೇಯ ಯೋಗೀಂದ್ರ ಸರಸ್ವತೀ ಪರಮಹಂಸ ಸದ್ಗುರು ಚರಿತಾಮೃತವನ್ನು ಭಗವಾನರು ಪ್ರತಿನಿತ್ಯವೂ ಇವರ ಸಹೋದರನಾದ ಶಂಕರಪ್ಪನವರಿಂದ ಬಗೆಬಗೆಯ ರಾಗಗಳಿಂದ ಹಾಡಿಸಿ ಮೂರ್ತಿಗಳಿಂದ ವ್ಯಾಖ್ಯಾನವನ್ನು ಮಾಡಿಸುತ್ತಿದ್ದರು. ಭಗವಾನರು ಮೂರ್ತಿಯವರಿಗೆ ಗುರುಗಳ ಚರಿತ್ರೆಯನ್ನು ಪದ್ಯರೂಪದಲ್ಲಿ ಮಾಡಬೇಕೆಂದು ಪ್ರೋತ್ಸಾಹಿಸಿದರು.
  
  Sri Bhagawan told his disciples that both him and Sri Murthy had the same Guru and also their parents had the same names, thus he intended to entrust the management of the Ashram to Sri Murthy. He also handed over the official documents to Sri Murthy on 07 September 1939. Sri Murthy wrote “Sri Banavasi Dattatreya Yogindra Saraswati Paramahamsa Sadguru Charitamruta”. Sri Bhagawan would get his brother Sri Shankarappa to sing the verses in different ragas and get Sri Murthy to define them. Sri Bhagawan also encouraged Sri Murthy to write the Guru Charitre in poetry form as well.

• ಜಗದ್ಗುರು ಶ್ರೀ ಶ್ರೀ ಚಂದ್ರಶೇಖರ ಭಾರತೀ ಮಹಾ ಸ್ವಾಮಿಗಳು

  1940ರ ಶಂಕರ ಜಯಂತಿ ಉತ್ಸವವು ಮುಗಿದ ಮೇಲೆ ಶೃಂಗೇರಿಯಲ್ಲಿ ಪರಮಪೂಜ್ಯ ಜಗದ್ಗುರು ಶ್ರೀ ಶ್ರೀ ಚಂದ್ರಶೇಖರ ಭಾರತೀ ಮಹಾ ಸ್ವಾಮಿಗಳು ಮೂರ್ತಿಗಳಿಂದ ಗುರುಗಳ ಚರಿತ್ರೆಯ ಪದ್ಯಭಾಗದಲ್ಲಿ ಆಯ್ದ ಕೆಲವು ಪದ್ಯಗಳನ್ನೂ, ಕೀರ್ತನೆಗಳನ್ನೂ ಬಗೆಬಗೆಯ ರಾಗಗಳಲ್ಲಿ ಓದಿಸಿ, ಕೇಳಿ ಸಂತೋಷಪಟ್ಟು ಮೂರ್ತಿಗಳನ್ನು ಶೃಂಗೇರಿಯಲ್ಲಿಯೇ ಉಳಿಸಿಕೊಂಡು ನಿತ್ಯವೂ ದರ್ಶನವನ್ನು ಅನುಗ್ರಹಿಸುತ್ತಾ, ಕೊನೆಗೆ ವಿಶೇಷ ಅನುಗ್ರಹಪೂರ್ವಕವಾದ ಪ್ರಸಾದವನ್ನು ಕೊಟ್ಟು ಕಳುಹಿಸಿದರು.
  
  In 1940, after Shankara Jayanti celebrations concluded, Jagadguru Sri Sri Chandrashekhara Bharati Swamy, the revered pontiff of Sringeri Sharada Peetha, had Sri Murthy read out selected verses and praises from his Guru Charitre in different ragas. The pontiff expressed happiness at Sri Murthy’s work and hosted him in Sringeri. Sri Murthy met the pontiff on all the days of his stay, and on the last day of his stay, the pontiff gave the sacred prasada and blessings to Sri Murthy.

• ಶ್ರೀ ಶಂಕರಲಿಂಗ ಭಗವಾನರ ಆಜ್ಞೆ

  ಶ್ರೀ ಶಂಕರಲಿಂಗ ಭಗವಾನರು ಮೂರ್ತಿಗಳಿಗೆ ಸಂಸಾರ ಸಹಿತರಾಗಿ ಗುರುಸೇವೆಯನ್ನು ಮಾಡಬೇಕೆಂದು ಆಜ್ಞೆಯನ್ನು ಮಾಡಿದರು. ದಂಪತಿಗಳಾದ ಶ್ರೀ ಮೂರ್ತಿಗಳು ಮತ್ತು ಶ್ರೀಮತಿ ಲಲಿತಮ್ಮನವರಿಗೆ ಸರ್ವಮಂಗಳ, ಆತ್ಮಾರಾಮ, ವೆಂಕಟೇಶ ಮೂರ್ತಿ ಎಂಬ ಮೂವರು ಮಕ್ಕಳು ಜನಿಸಿದರು.
  
  Sri Shankaralinga Bhagawan instructed Sri Murthy and his wife Smt Lalitamma to perform Guru Seva. Subsequently, they begot three children – daughter Sarvamangala and sons Atmarama and Venkatesha Murthy.

  1939ರ ಗುರುವಾರ ಶುಭದಿನದಂದು ಶ್ರೀ ಮೂರ್ತಿಗಳು ಶ್ರೀ ಭಗವಾನರಿಂದ ನುಲೇನೂರು ಶ್ರೀ ದತ್ತಾಶ್ರಮವನ್ನು ವಹಿಸಿಕೊಂಡು ಪೂಜಾದಿ ಸೇವಾ ಕಾರ್ಯಗಳನ್ನು ಪ್ರತಿ ವರ್ಷವೂ ಗುರುಗಳ ಆರಾಧನೆಯನ್ನು ಅವಿರತವಾಗಿ ಮಾಡುತ್ತಾ, ಪ್ರೀತಿಯ ಭಕ್ತರಲ್ಲಿ ಸಂಚಾರ, ವೇದಾಂತ ಪ್ರವಚನಗಳನ್ನು ಮಾಡುತ್ತಿದ್ದರು. ಬಂದ ಸೇವೆಯಿಂದ ಗುರುಕಾರ್ಯಗಳನ್ನು ಮಾಡುತ್ತಿದ್ದರು.
  
  In 1939, on an auspicious Thursday, Sri Murthy took charge of Sri Datta Ashram in Nulenuru from Srii Bhagawan. He organised the pooja services and Sri Dattatreya Aradhane every year. He conducted discourses to the devotees and used the monetary offerings from devotees for Guru Seva.

  ಶ್ರೀ ಮೂರ್ತಿಗಳಿಗೆ ಬಹಳ ಜನ ವಿಶ್ವಾಸಿಗಳು ಮತ್ತು ಭಕ್ತರುಗಳು ಇದ್ದರು. ಅವರಲ್ಲಿ ಭಗವಾನರಲ್ಲಿಗೆ ಬರುತ್ತಿದ್ದ ಪೂಜ್ಯ ಮಾತೃಶ್ರೀ ಅಗಡಿ ಗೌರಮ್ಮನವರು, ಪೂಜ್ಯ ಶಿವಾನಂದ ಮಹಾರಾಜರ ಮುಖ್ಯ ಶಿಷ್ಯರಾದ ವೇದ ಬ್ರಹ್ಮಶ್ರೀ ನಾಗಪ್ಪನವರು, ಅನಾಥ ಸೇವಾಶ್ರಮ ಮಲ್ಲಾಡಿಹಳ್ಳಿಯ ಸ್ಥಾಪಕರಾದ ಶ್ರೀ ಶ್ರೀ ರಾಘವೇಂದ್ರ ಸ್ವಾಮಿಗಳು ಮತ್ತು ಇವರ ಶಿಷ್ಯರಾದ ಸೂರದಾಸ್‌ಜೀಯವರು ಮೂರ್ತಿಗಳಿಗೆ ಆಪ್ತಮಿತ್ರರು.
  
  Sri Murthy had many trusted people and devotees. Among them were revered Mother Agadi Gowramma who was a disciple of Sri Bhagawan, Veda Brahma Sri Nagappa, the chief disciple of the revered Shivananda Maharaj, Sri Raghavendra Swamy, the founder of Anatha Sevashrama, Malladihalli, and Sri Surdasji.

  ಇವರ ಆಶ್ರಮದ ಮುದ್ರಣಾಲಯದಲ್ಲಿಯೇ ಮೂರ್ತಿಗಳು ಬರೆದ ಅನೇಕ ಗ್ರಂಥಗಳನ್ನು ಮುದ್ರಣ ಮಾಡಿಕೊಟ್ಟಿರುತ್ತಾರೆ ಹಾಗೂ ಪ್ರತಿ ವರ್ಷವೂ ನಡೆಯುವ ಗುರುಗಳ ಆರಾಧನೆಗೆ ತಪ್ಪದೆ ಶ್ರೀ ರಾಘವೇಂದ್ರ ಸ್ವಾಮಿಗಳು ಮತ್ತು ಶ್ರೀ ಸೂರದಾಸ್‌ಜೀಯವರು ಬಂದು ಭಜನೆಗಳನ್ನು ಮಾಡಿ ಮಹೋತ್ಸವವನ್ನು ನೆರವೇರಿಸಿ ಕೊಡುತ್ತಿದ್ದರು.
  
  A publishing and printing unit in the Ashram has published all of Sri Murthy’s works. Sri Raghavendra Swamy and Sri Surdasji used to participate in Bhajans and involve themselves in the Aradhanes every year.

• ಲೇಖನಗಳು ಸದ್ಗುರುವಿಗೆ ಸಮರ್ಪಣೆ

  ಶ್ರೀಮತಿ ಗೌರಮ್ಮನವರಿಂದ ಶ್ರೀ ಮೂರ್ತಿಗಳಿಗೆ ಬೆಂಗಳೂರಿಗೆ ಶ್ರೀ ಖೋಡೆ ಲಕ್ಷ್ಮಣಸಾ ಮತ್ತು ಅವರ ಜ್ಯೇಷ್ಠ ಪುತ್ರರಾದ ಶ್ರೀ ಖೋಡೆ ರಾಮಚಂದ್ರಸಾ ಪರಿಚಯವಾಯಿತು. ಖೋಡೆಯವರ ಸಹಾಯದಿಂದ ಚಿರಸ್ಮರಣೀಯವೂ, ಮಹೋದಾತ್ತವೂ, ಭಗದರ್ಪಿತವೂ, ಅಸಾಧಾರಣವೂ ಆದ ಗ್ರಂಥಗಳು ಶ್ರೀ ಮೂರ್ತಿಗಳಿಂದ ವಿರಚಿತವಾಗಿವೆ. “ಚಿಚ್ಛಕ್ತಿ ಪ್ರಭಾವ”, “ದೇವರು ಯಾರು?”, “ಸಮಗ್ರ ಸಾಧನ”, ಇವು ದತ್ತಾಶ್ರಮದಲ್ಲಿಯೇ ಉದಯವಾದವು. ಸ್ವಾಮಿ ರಾಮತೀರ್ಥರ ಉಪನ್ಯಾಸಗಳ ಮೊದಲನೇ ಭಾಗದ ಲೇಖನವು ಶಿವಮೊಗ್ಗದಲ್ಲಿ ಒಂದು ತಿಂಗಳು ಮಾನ್ಯ ಗುರುಭಕ್ತರಾದ ದುರ್ಗಾ ಲಾಡ್ಜ್‌ನ ಸಾಹುಕಾರರಾದ ಶ್ರೀ ವಿಶ್ವನಾಥ ಭಟ್ಟರ ಪ್ರೀತಿಯ ಪೋಷಣೆಯಲ್ಲಿ ನಡೆಯಿತು.
  
  Sri Khoday Lakshmansa and his eldest son Sri Khoday Ramachandrasa, of Bengaluru, were introduced to Sri Murthy through Smt Gowramma. Sri Murthy’s memorable, dedicated and extraordinary works were published with the immense help of Sri Khoday. “Chichhakti Prabhava”, “Devaru Yaaru?”, “Samagra Saadhana” were published in Datta Ashram itself. The first part of Sri Murthy’s works based on discourses by Swami Ramateertha, was readied and published under the aegis of Sri Vishwanath Bhat, owner of Durga Lodge in Shivamogga and an ardent disciple of the Guru.

  ಸ್ವಾಮಿ ರಾಮತೀರ್ಥರ ಉಪನ್ಯಾಸಗಳ ಮೂರನೆಯ ಭಾಗದ ಪವಿತ್ರ ಮಂದಾಕಿನಿಯು ಶಿವಮೊಗ್ಗ ಜಿಲ್ಲೆಯ ಸಾಗರದ ಸಮೀಪ ಅರಣ್ಯ ಮಧ್ಯದ ಮಂಚಾಲೆಯಲ್ಲಿರುವ ಮಾನ್ಹಯ ಗುರುಭಕ್ತರಾದ ಶ್ರೀ ಎಸ್‌. ರಾಮರಾಯರ ಶಾಂತಿನಿಕೇತನ ಪ್ರೇಮ ಛತ್ರದಲ್ಲಿ ಮೂರೂವರೆ ತಿಂಗಳ ಮೌನ ತಪಸ್ಸಿನಿಂದ ಬರೆದರು. ಉಳಿದ ಗ್ರಂಥಗಳನ್ನು ಮಾನ್ಯ ಗುರುಭಕ್ತರಾದ ಶ್ರೀ ಖೋಡೆಯವರ ಮಂದಿರದ ನಿತ್ಯಾನಂದ ಗುರುಗಳ ಆಶ್ರಮದಲ್ಲಿಯೂ, ಬೆಂಗಳೂರು ಅಧ್ಯಾತ್ಮ ಪ್ರಕಾಶನ ಕಾರ್ಯಾಲಯದಲ್ಲಿಯೂ ಇದ್ದು ಬರೆದು ಸದ್ಗುರುವಿಗೆ ಸಮರ್ಪಿಸಿದರು.
  
  Sri Murthy wrote the third part of Swami Ramateertha’s discourses (Pavitra Mandakini) with silent penance for about three-and-a-half months, in the tranquil environment of Shantiniketana Prema Chhatra belonging to Guru devotee Sri S Rama Rao. This was located in Manchale, in the middle of a forest in Sagara, Shivamogga District. Sri Murthy wrote the remaining books, staying at the Nityananda Guru Ashram run by Sri Khoday, and at the office Adhyatma Prakashana, Tyagaraja Nagar, Bengaluru> He dedicated his works to his Sadguru.

  “ಚಿಚ್ಛಕ್ತಿ ಪ್ರಭಾವ” ಗ್ರಂಥವು 1969ರಲ್ಲಿ ಪ್ರಕಟವಾದ ನಂತರ ಇದರ ಪ್ರಕಾಶಕ ಗುರುಭಕ್ತರಾದ ಬೆಂಗಳೂರು ಶ್ರೀ ಖೋಡೆ ಲಕ್ಷ್ಮಣಸಾರವರ ಉದಾರ ಸಹಾಯದಿಂದ ಸಮಾಧಿಯ ಗರ್ಭಾಲಯದ ಮುಂದೆ ಸುಂದರವಾದೊಂದು ಶಿಲಾಮಯ ಮಂದಿರವು ನಿರ್ಮಾಣವಾಯಿತು. ಶ್ರೀ ಮೂರ್ತಿಗಳಿಗೆ ಶ್ರೀ ದತ್ತಾಶ್ರಮವನ್ನು ಭಗವಾನರು ವಹಿಸಿಕೊಟ್ಟ ನಂತರ ಮೂರ್ತಿಗಳು ಆಶ್ರಮದ ಅನೇಕ ಅಭಿವೃದ್ಧಿ ಕಾರ್ಯಕ್ರಮಗಳನ್ನು ಮಾಡಿದರು.
  
  After the PUBLICATION's of “Chichhakti Prabhava” in 1969, its publisher Sri Khoday Lakshmansa greatly helped in the consecration of a beautiful temple in front of the samadhi. After taking over from Sri Bhagawan, Sri Murthy took up and expedited many developmental activities at Sri Datta Ashram.

  ಶ್ರೀ ಮೂರ್ತಿಗಳು ಬರೆದ ಗ್ರಂಥಗಳ ಪ್ರಕಟಣೆಗಾಗಿ ಬೆಂಗಳೂರನ್ನು ಸೇರಿದರು. ಅಲ್ಲಿ ಶ್ರೀ ಖೋಡೆ ಲಕ್ಷ್ಮಣಸಾ ಇವರ ಬಂಗಲೆಯಲ್ಲಿ ಪ್ರತ್ಯೇಕವಾದ ಒಂದು ಕೊಠಡಿಯಲ್ಲಿ ವಾಸವಾಗಿದ್ದು ಅಲ್ಲಿಯೇ ಹೊಸ ಹೊಸ ಗ್ರಂಥಗಳನ್ನು ಬರೆದರು ಮತ್ತು ಪರಮಪೂಜ್ಯ ಹೊಳೆನರಸೀಪುರದ ಶ್ರೀ ಶ್ರೀ ಸಚ್ಚಿದಾನಂದೆಂದ್ರ ಸರಸ್ವತೀ ಸ್ವಾಮಿಗಳ ಪರಿಚಯವಾಗಿ ಅವರೊಡನೆಯೂ ಕೆಲವು ದಿನಗಳಿದ್ದರು ಮತ್ತು ತ್ಯಾಗರಾಜನಗರದಲ್ಲಿರುವ ಅಧ್ಯಾತ್ಮಪ್ರಕಾಶನ ಕಾರ್ಯಾಲಯದಲ್ಲಿದ್ದರು.
  
  Sri Murthy arrived in Bengaluru for publishing his books. He lived in an exclusive room in the bungalow of Sri Khoday Lakshmansa and wrote new books. He also got to meet and know the revered Sri Sri Sachidanandendra Saraswati Swamy of Holenarasipura and stayed with him for some time. He also stayed at the office of Adhyatma Prakashana, Bengaluru.

  ಈಗ ಎರಡನೆಯ ಮುದ್ರಣವನ್ನು ಹೊಂದುತ್ತಿರುವ “ಚಿಚ್ಛಕ್ತಿ ಪ್ರಭಾವ”ವು ಒಂದು ಪವಾಡವೇ ಆಗಿದೆ. ಇದರ ಬಗ್ಗೆ ಹೆಚ್ಚಿನ ಆಸಕ್ತಿ ಹೊಂದಿದ್ದ ಪರಮಪೂಜ್ಯ ಸಖರಾಯ ಪಟ್ಟಣದ ಅವಧೂತರಾದ ಶ್ರೀ ವೆಂಕಟಾಚಲಯ್ಯ ಗುರುಗಳು ಶ್ರೀ ಮೂರ್ತಿಗಳ ಬಗ್ಗೆ ಅಪಾರವಾದ ಗೌರವವನ್ನು ಇಟ್ಟಿದ್ದರು ಹಾಗೂ ಶ್ರೀ ಶ್ರೀ ದತ್ತರಾಜ ಯೋಗೀಂದ್ರ ಸರಸ್ವತೀ ಪರಮಹಂಸರು ನುಲೇನೂರು ಇವರಲ್ಲಿಯೂ ಅಪಾರವಾದ ಭಕ್ತಿ-ಗೌರವಗಳನ್ನು ಇಟ್ಟಿದ್ದರು. ಶ್ರೀ ಮೂರ್ತಿಗಳ ಬಗ್ಗೆ ಬಹಳಷ್ಟು ತಿಳಿದುಕೊಂಡಿದ್ದರು.
  
  The PUBLICATION's of the second edition of “Chichhakti Prabhava” is a miracle in itself. Sri Murthy had cordial ties and mutual respect with the revered Sri Venkatachalaiah Guru of Sakharayapatna and Sri Sri Dattaraja Yogeendra Saraswati Parahamsa of Nulenuru. The former had evinced keen interest in this PUBLICATION's.

  ಇವರೊಡನೆ ಸೇವಾಕಾರ್ಯಗಳಿಗೆ ಮತ್ತು ಶ್ರೀ ಮೂರ್ತಿಗಳು ಮಾಡುತ್ತಿದ್ದ ಉಪನ್ಯಾಸಗಳಲ್ಲೂ ಪಾಲ್ಗೊಂಡಿದ್ದುದಾಗಿಯೂ ಇವರು ಶಿಷ್ಯರಲ್ಲಿಯೂ ಹೇಳುತ್ತಿದ್ದರು. ಈಗ ಶ್ರೀ ದತ್ತಾಶ್ರಮದಲ್ಲಿ ಕೆಲವು ಅಭಿವೃದ್ಧಿ ಕಾರ್ಯಕ್ರಮಗಳು ಇವರ ಕೃಪಾಶೀರ್ವಾದದಿಂದ ನಡೆದವು. ಇವರು ಅಪಾರವಾದ ದೈವೀಭಕ್ತಿ ಹೊಂದಿದ್ದರು ಹಾಗೂ ಎಲ್ಲ ಭಕ್ತರುಗಳಿಗೂ ಜ್ಞಾನಜ್ಯೋತಿಯನ್ನು ಮತ್ತು ಮಾರ್ಗದರ್ಶನವನ್ನು ಅನುಗ್ರಹಿಸುತ್ತಿದ್ದರು.
  
  These two persons knew Sri Murthy very well and had been part of the seva activities and lectures conducted by Sri Murthy. They told about their experiences to their disciples. Now, they were involved in some of the developmental works at Sri Datta Ashram and blessed all the devotees with the light of knowledge and guidance.

  ಗುರುಪುತ್ರ ಶ್ರೇಷ್ಠರಾದ ಶ್ರೀ ಮೂರ್ತಿಗಳ ನಿರತಿಶಯ ಜ್ಞಾನಭಂಡಾರದಿಂದ 21 ತತ್ತ್ವಬೋಧ ಗ್ರಂಥಗಳು ಕನ್ನಡ ನುಡಿಯಲ್ಲಿದ್ದು, ಲೋಕಕಲ್ಯಾಣವಾಗುವಂತೆ ಈಗಾಗಲೇ ಪ್ರಕಟವಾಗಿರುತ್ತವೆ.
  
  From the immense knowledge of Guru-blessed Sri Murthy, 21 novels about philosophy have been published in Kannada and have been printed for the good of the world.

• ಭಕ್ತಿಪೂರ್ವಕವಾಗಿ ಸಮರ್ಪಣೆ

  ಶ್ರೀ ಮೂರ್ತಿಗಳು ಶ್ರೀ ದತ್ತಾಶ್ರಮದ ವ್ಯವಸ್ಥೆಯನ್ನು 1934ರಲ್ಲಿ ವಹಿಸಿಕೊಂಡ 1989ರ ವರೆಗೆ ಅವಿಚ್ಛಿನ್ನವಾಗಿ ಸೇವಾ ಕಾರ್ಯಕ್ರಮಗಳನ್ನು ಮತ್ತು ಅಭಿವೃದ್ಧಿ ಕಾರ್ಯಕ್ರಮಗಳನ್ನು ಮಾಡುತ್ತಾ ಬಂದರು. 1989ರಲ್ಲಿ ಪರಮಪೂಜ್ಯರು ಬ್ರಹ್ಮೀಭೂತರಾದರು. ಇವರ ತಪಸ್ಸಿನ ಶಕ್ತಿಯು ಅಂದು ಇಂದು ಮುಂದೂ ನಿರಂತರವಾಗಿ ಎಲ್ಲಾ ಗುರುಭಕ್ತರಲ್ಲೂ ಇರುತ್ತದೆ ಎಂದು ಭಾವಿಸಿದ್ದೇನೆ. “ಚಿಚ್ಛಕ್ತಿ ಪ್ರಭಾವ”ದ 2ನೇ ಮುದ್ರಣಕ್ಕೆ ಕಾರಣೀಭೂತರಾದ ಪರಮಪೂಜ್ಯ ಸಖರಾಯಪಟ್ಟಣದ ಅವಧೂತರಾದ ಶ್ರೀ ವೆಂಕಟಾಚಲಯ್ಯ ಗುರುಗಳ ಪಾದಕಮಲಗಳಲ್ಲಿ ಅತ್ಯಂತ ಕೃತಜ್ಞತಾಪೂರ್ಣ ಅನಂತ ನಮಸ್ಕಾರಗಳೊಂದಿಗೆ ಭಕ್ತಿಪೂರ್ವಕವಾಗಿ ಸಮರ್ಪಿಸುತ್ತಿದ್ದೇವೆ.
  
  Since taking charge of Sri Datta Ashram in 1934, Sri Murthy involved himself in all the seva activities and developmental work until his attained the lotus feet of the Guru in 1989. His meditational powers have propagated to all his disciples. We dedicate the second edition of “Chichhakti Prabhava” to the lotus feet of Avadhoota Sri Venkatachalaiah Guru of Sakharayapatna, with immense gratitude. He was the main factor behind the second edition.

  ಗ್ರಂಥವನ್ನು ಆಮೂಲಾಗ್ರವಾಗಿ ಸ್ವಲ್ಪವೂ ಉದಾಸೀನ ಮಾಡದೆ ಪರಿಷ್ಕರಿಸಿಕೊಟ್ಟ ಮಾತಾ ಅಮೃತಾಮಯೀ ಅವರಿಗೆ ನಾನು ಅತ್ಯಂತ ಹೃತ್ಪೂರ್ವಕವಾದ ನಮನಗಳನ್ನು ಸಲ್ಲಿಸುತ್ತೇನೆ.
  
  I offer my immense gratitude to Mata Amritamayi for thoroughly scrutinising the book.

  ಈ ಮಹಾಗ್ರಂಥವನ್ನು ಪ್ರಕಟಿಸುವಲ್ಲಿ ತೀವ್ರ ಆಸಕ್ತಿಯನ್ನು ತೋರಿದ ಲೋಕ ಶಿಕ್ಷಣ ಟ್ರಸ್ಟ್‌ನ ಹಿಂದಿನ ಅಧ್ಯಕ್ಷರೂ, ಮಾಜಿ ಅಡ್ವೋಕೇಟ್ ಜನರಲ್‌ರು ಹಾಗೂ ನಾಡಿನ ಹಿರಿಯ ವಕೀಲರೂ ಆದ ಶ್ರೀ ಅಶೋಕ್ ಹಾರನಹಳ್ಳಿಯವರಿಗೂ ಮತ್ತು ಈಗಿನ ಅಧ್ಯಕ್ಷರು ಮತ್ತು ಮಾಜಿ ಶಾಸಕರು, ಕಾಂಗ್ರೆಸ್ ಪಕ್ಷದ ಧುರೀಣರು ಆದ ಶ್ರೀ ಉಮೇಶ್ ಭಟ್ ಅವರಿಗೂ ಮತ್ತು ಕಾರ್ಯದರ್ಶಿಗಳಾದ ಶ್ರೀ ಎಚ್‌ ಎಸ್ ನಾರಾಯಣಮೂರ್ತಿ ಅವರಿಗೂ ನಾನು ತುಂಬ ಕೃತಜ್ಞನಾಗಿದ್ದೇನೆ. ಈ ಗ್ರಂಥವನ್ನು ಹೊರತರುವಲ್ಲಿ ತುಂಬ ಕಾಳಜಿಯನ್ನು ವಹಿಸಿದ ನನ್ನ ಮಿತ್ರರಾದ ಶ್ರೀ ವಲ್ಲೀಶ್ ಕುಮಾರ್ ಅವರಿಗೂ ನಾನು ಆಭಾರಿಯಾಗಿದ್ದೇನೆ.
  
  I am also thankful to the Former Chairman of Loka Shikshana Trust, Former Advocate General and senior advocate Sri Ashok Haranahalli, the present Chairman and former legislator, Congressman Sri Umesh Bhat, and Secretary Sri H S Narayanamurthy for evincing immense interest in publishing this great work. I am also grateful to Sri Vallish Kumar for ensuring that the printing of the copies was successful.

  ಈ ಪುಸ್ತಕವನ್ನು ತಿದ್ದಿ ತೀಡಿ ಮುದ್ರಣಕ್ಕೆ ಕಳುಹಿಸುವಲ್ಲಿ ಲೋಕ ಶಿಕ್ಷಣ ಟ್ರಸ್ಟ್‌ನ ಪುಸ್ತಕ ಪ್ರಕಟಣಾ ವಿಭಾಗದ ಮುಖ್ಯಸ್ಥರಾದ ಶ್ರೀ ಎಸ್‌ ರಾಜಾರಾಮ್ ಅವರ ಶ್ರಮ ಅಪರಿಮಿತವಾದದ್ದು. ಗ್ರಂಥದ ಅಕ್ಷರಜೋಡಣೆ (ಡಿಟಿಪಿ), ಕರಡು ತಿದ್ದಿ, ಪುಟವಿನ್ಯಾಸವನ್ನು ಸಜ್ಜುಗೊಳಿಸುವಲ್ಲಿ ಶ್ರಮವಹಿಸಿದ ಶ್ರೀಮತಿ ಎಲ್‌ ಸುಧಾ ದಿಲೀಪ್‌ಕುಮಾರ್‌ ಅವರಿಗೂ, ಮುಖಪುಟ ವಿನ್ಯಾಸವನ್ನು ಮಾಡಿರುವ ಶ್ರೀ ಆರ್‌. ಸತೀಶ್‌ಕುಮಾರ್ ಮತ್ತು ಗ್ರಂಥದ ಎಲ್ಲಾ ಹಂತಗಳಲ್ಲೂ ಪೂರ್ಣ ಸಹಕಾರವನ್ನು ನೀಡಿದ ಸಹಾಯಕರಾದ ಶ್ರೀ ರಾಘವೇಂದ್ರ ಯಜುರ್ವೇದಿ ಮತ್ತು ಗ್ರಂಥವನ್ನು ಹೊರತರುವಲ್ಲಿ ಶ್ರಮಿಸಿದವರೆಲ್ಲರಿಗೂ ಭಗವತಿ ಚಿಚ್ಛಕ್ತಿ ಸ್ವರೂಪಿಣಿಯು ಆಯುರಾರೋಗ್ಯ ಐಶ್ವರ್ಯಗಳನ್ನು ಅನುಗ್ರಹಿಸಲೆಂದು ಹೃತ್ಪೂರ್ವಕವಾಗಿ ಹಾರೈಸುತ್ತೇನೆ.
  
  The effort of Sri S Rajaram, secretary of the Printing Division of Loka Shikshana Trust, in proofreading, making corrections and sending to print is immeasurable. I also thank Smt L Sudha Dilip Kumar for her desktop publishing, draft correction and ensuring the perfect page layout; Sri R Satish Kumar for the immaculate cover design, and Sri Raghavendra Yajurvedi for his sturdy assistance during all phases of PUBLICATION's. I also acknowledge the efforts of each and everyone that involved themselves in bringing out the great book. I pray that Bhagavati Chichchakti Swaroopini bless them all with health, wealth and success in their lives.

• ಬೆಂಗಳೂರಿನಲ್ಲಿ ಶ್ರೀಮೂರ್ತಿಗಳು

  ಬನವಾಸಿಯ ಶ್ರೀ ದತ್ತಾತ್ರೇಯ ಯೋಗೀಂದ್ರರ ಚರಿತಾಮೃತವನ್ನು ಬರೆದ ಶ್ರೀಮೂರ್ತಿಗಳು (ಶ್ರೀನಿವಾಸ ಮೂರ್ತಿಗಳು)
  
  Sri Murthy (Srinivasa Murthy), author of Banavasi Sri Dattatreya Yogeendra Charitamrita

  ಗುರುಚರಿತ್ರೆಯ ಪುಸ್ತಕದ ಆಧಾರದಿಂದ ಕೆಲವು ಸಂದರ್ಭಗಳನ್ನು ಇಲ್ಲಿ ಉಲ್ಲೇಖಿಸಿದೆ. ಶ್ರೀ ಮೂರ್ತಿಗಳು ಹೇಳುವಂತೆ 1963ರಲ್ಲಿ ಚಿಚ್ಛಕ್ತಿ ಎಂಬ ಮಹಾಗ್ರಂಥವು ಪ್ರಕಟವಾಯಿತು. ಅದರ ಸಲುವಾಗಿ ಅವರು ಬೆಂಗಳೂರನ್ನು ಸೇರಿದರು. ಖ್ಯಾತ ಉದ್ಯಮಿಯಾದ ಶ್ರೀಮಾನ್ ಖೋಡೆ ಲಕ್ಷ್ಮಣ್‌ಸಾ ಮತ್ತು ಅವರ ಕುಟುಂಬದ ಪ್ರೇಮ ಸಹಾನುಭೂತಿ ಸಹಜ ಭಾವ ಸಂಗಮವಾಗಿ ಚಿಚ್ಛಕ್ತಿ ಪ್ರಭಾವ ಇನ್ನೂ ಅನೇಕ ಅಧ್ಯಾತಮಿಕ ಗ್ರಂಥಗಳನ್ನು ಬರೆಯಲು ಪ್ರೇರಕವಾಗಿದ್ದರು. ಬೆಂಗಳೂರಿನಲ್ಲೇ ಇದ್ದು ನುಲೇನೂರಿನ ದತ್ತಗುರುವಿನ ಆಶ್ರಮದ ವ್ಯವಸ್ಥೆಯನ್ನು ನೋಡಿಕೊಳ್ಳುತ್ತಿದ್ದರು. ಹೀಗೆ ಇರುವಾಗ, ಹೊಳೆನರಸೀಪುರದ ಅಭಿನವ ಶಂಕರಾಚಾರ್ಯರೆಂದೇ ಪ್ರಸಿದ್ಧರಾಗಿದ್ದ ಸಚ್ಚಿದಾನಂದ ಸ್ವಾಮಿಗಳು ಬೆಂಗಳೂರಿನಲ್ಲಿರುವ ಅನಂತ ಮಠದಲ್ಲಿ ಅವರು ಪ್ರವಚನಾದಿಗಳನ್ನು ನಡೆಸುತ್ತ ಅಲ್ಲಿದ್ದರು. ಶ್ರೀ ಮೂರ್ತಿಗಳಿಗೆ ಗುರುಗಳಲ್ಲಿ ಅಪಾರವಾದ ಗೌರವ-ಪ್ರೀತಿಗಳಿದ್ದವು. ಇದಕ್ಕೆ ಕಾರಣ ಹೊಳೆನರಸೀಪುರದಲ್ಲಿರುವ ಅಧ್ಯಾತ್ಮಪ್ರಕಾಶ ಕಾರ್ಯಾಲಯದಲ್ಲಿ ಪ್ರಕಟವಾಗುತ್ತಿದ್ದ ಅಧ್ಯಾತ್ಮ ಮಾಸ ಪತ್ರಿಕೆಯನ್ನು ತರಿಸಿಕೊಂಡು ಅಧ್ಯಯನ ಮಾಡುತ್ತಿದ್ದರು. ಹೀಗಾಗಿ ಅವರ ಜೊತೆ ಬಾಂಧವ್ಯ ಚೆನ್ನಾಗಿ ಬೆಳೆದಿತ್ತು. ಅದ್ವೈತ ವೇದಾಂತ ಪ್ರಸಾರವು ನಡೆಯಲಿಕ್ಕೆ ಇದು ದಾರಿಯಾಯಿತು. ಅನೇಕ ಸಂದರ್ಭಗಳಲ್ಲಿ ಸಚ್ಚಿದಾನಂದ ಗುರುಗಳ ಆರೋಗ್ಯ ತಪಾಸಣೆಗೆ ಮತ್ತು ಕೆಲವೊಮ್ಮೆ ಅವರಿಗೆ ಶಸ್ತ್ರಚಿಕಿತ್ಸೆಯನ್ನು ಮಾನ್ಯ ಶ್ರೀ ಲಕ್ಷ್ಮಣ್‌ಸಾರವರಿಗೆ ಹೇಳಿ, ಅವರಿಗೆ ಬೇಕಾದ ಎಲ್ಲಾ ಅಗತ್ಯಗಳನ್ನು ಪೂರೈಸುತ್ತಿದ್ದರು. ನಂತರ ಗುರುಗಳ ಮಹದಾಸೆಯಂತೆ ಬೆಂಗಳೂರಿನಲ್ಲೂ ಒಂದು ಅಧ್ಯಾತ್ಮ ಪ್ರಕಾಶನ ಕಾರ್ಯಾಲಯವನ್ನು ನಿರ್ಮಿಸಬೇಕೆಂಬುದಿತ್ತು. ಅದೇ ರೀತಿ ಶ್ರೀಮಾನ್ ಖೋಡೆ ಲಕ್ಷ್ಮಣ್‌ಸಾರವರಿಂದ ತ್ಯಾಗರಾಜನಗರದಲ್ಲಿರುವ ಕಾರ್ಯಾಲಯವು ನಿರ್ಮಾಣವಾಗಲು ಕಾರಣರಾದರು. 1972ರಿಂದ 1987ರವರೆಗೆ ಅಧ್ಯಾತ್ಮ ಪ್ರಕಾಶನ ಕಾರ್ಯಾಲಯದ ಒಂದು ಕೊಠಡಿಯಲ್ಲಿ ಶ್ರೀ ಮೂರ್ತಿಗಳು ಸನ್ಯಾಸ ಜೀವನವನ್ನು ನಡೆಸತೊಡಗಿದರು. ಬ್ರಹ್ಮಸ್ವರೂಪರಾಗಿದ್ದರಿಂದ ಬ್ರಹ್ಮಾನಂದದಲ್ಲೇ ಇರುತ್ತಿದ್ದರು. ಬರುತ್ತಿದ್ದ ಅಧ್ಯಾತ್ಮ ಜಿಜ್ಞಾಸುಗಳಿಗೆ ಅವರ ಅನುಮಾನಗಳನ್ನು ತುಂಬಾ ಸರಳವಾಗಿ ಪರಿಹರಿಸುತ್ತಿದ್ದರು. ಬೇರೆ ಅನೇಕ ವಿದ್ವಾಂಸರುಗಳಿಂದ ಪ್ರಾತಃಕಾಲದಲ್ಲಿ ಮತ್ತು ಸಂಧ್ಯಾಕಾಲದಲ್ಲಿ ಪ್ರವಚನಗಳು ನಡೆಯುತ್ತಿದ್ದವು. ಇದರಿಂದ ಅನೇಕ ಭಕ್ತಾದಿಗಳು ಶುಭ-ಲಾಭಗಳನ್ನು ಪಡೆಯುತ್ತಿದ್ದರು.
  
  Basing on the book Gurucharitre, some anecdotes are mentioned here. As per Sri Murthy, Chichhakti – a great work – was published in 1963. Sri Murthy relocated to Bengaluru for this purpose. With the support of businessman Khoday Lakshmanse and his family, many other works would be published, besides Chichhakti. Sri Murthy monitored the affairs of Sri Dattashrama in Nulenuru, while living in Bengaluru. During this time, Sachidananda Swami, who was regarded as the Abhinava Shankaracharya of Holenarasipura, was delivering discourses in Ananta Matha in Bengaluru. Sri Murthy revered this Guru immensely. This was because he used to subscribe to the Adhyatma monthly magazine and used to read it. Thus, Sri Murthy enjoyed a cordial friendship with the Swami. This also paved the way for the propagation of Advaita Vedanta. Quite a few times, Sachidananda Guru had his health checked and sometimes had to undergo surgery as well. Sri Murthy requested Sri Lakshmansa to arrange all necessary arrangements for this. As per Guru’s wishes, an office of Adyatma Prakashana was to be opened in Bengaluru. Thus, Khoday Lakshmansa involved himself with the construction of an office in Tyagaraja Nagar, Bengaluru. Sri Murthy led a life of an ascetic, living in the office of Adhyatma Prakashana, from 1972 to 1987. Since he was a Brahma Swaroopa, he was in supreme happiness. He used to answer questions and queries from devotees about topics related to spiritualism. Other scholars used to hold discourse sessions in the mornings and evenings. Thus, many devotees benefited greatly from the discourses.

  Memories Of Shree Murthy Swamiji

  ---

  

  

  

  

  

  

  

  

  

• ಈ ಗ್ರಂಥಕರ್ತರಾದ ಶ್ರೀ ಮೂರ್ತಿಗಳ ಇತರೆ ಪುಸ್ತಕಗಳು

  1. ಶ್ರೀ ಬನವಾಸಿಯ ದತ್ತಾತ್ರೇಯ ಯೋಗೀಂದ್ರ ಸದ್ಗುರು (ಗದ್ಯ ಮತ್ತು ಪದ್ಯ), ಚರಿತಾಮೃತ: 1939
     Sri Banavasiya Dattatreya Yogeendra Sadguru (Prose and Poetry), Charitamrita, 1939
  2. ದೇವರು ಯಾರು? (ವೇದಾಂತ ಮತ್ತು ವಿಜ್ಞಾನ), ಮಲ್ಲಾಡಿಹಳ್ಳಿ: 1950
     Devaru Yaaru? (Vedanta and Science), Malladihalli
  3. ಸಮಗ್ರಸಾಧನ (ಭಾಗ 1 ಮತ್ತು 2), ಮಲ್ಲಾಡಿಹಳ್ಳಿ: 1956
     SamagraSadhana (Part 1 and 2, Malladihalli
  4. ದೈವ ಮತ್ತು ಪೌರುಷ
     Daiva Mattu Paurusha
  5. ಚಿಚ್ಛಕ್ತಿ ಪ್ರಭಾವ (ಸಮಗ್ರ ಜೀವನ), 1963
     Chichhakti Prabhava (Samagra Jeevana)
  6. 6-7 ಪರಮಾತ್ಮಾನುಭವದ ಮಹಾರಣ್ಯಗಳಲ್ಲಿ ಮೂರು ಭಾಗಗಳು: 1966-67, 67-68 (ಸ್ವಾಮಿ ರಾಮತೀರ್ಥರ ಪರಿಪೂರ್ಣ ಕೃತಿಗಳು)
     6-7 Paramaatmanubhavada Maharanyagalli Mooru Bhaagagalu, 1966-67, 67-68 (Swami Ramateerthara Paripoorna Krutigalu)
  7. ಸ್ವಾಮಿ ರಾಮತೀರ್ಥರ ಜೀವನ ಚರಿತ್ರೆ – 1967
     Swami Ramateerthara Jeevana Charitre – 1967
  8. ಸ್ವಾಮಿ ರಾಮತೀರ್ಥರ ರಾಮ ಹೃದಯ (Heart of Rama) – 1970
     Swami Ramateerthara Rama Hrudaya (Heart of Rama) - 1970
  9. ಸ್ವಾಮಿ ರಾಮತೀರ್ಥರ ವೇದಾಂತ ಬೋಧಕ ಕಥೆಗಳು – ದೃಷ್ಟಾಂತಗಳು: 1975
     9. Swami Ramateerthara Vedanta Vodhaka Kathegalu – Drushtantagalu – 1975
  10. ಪೂಜ್ಯ ಭಗವಾನ್ ಶ್ರೀ ರಮಣ ಮಹರ್ಷಿಗಳ ದಿವ್ಯ ಸನ್ನಿಧಿಯಲ್ಲಿ ದಿನ ದಿನವೂ – 1970
      Poojya Bhagawan Sri Ramana Maharshigala Divya Sannidhiyalli Dina Dinavoo – 1970
  11. ಹೊಸ ಮನಸ್ಸು (Fresh Mind) – 1966
      Hosa Manassu (Fresh Mind) - 1966
  12. ಬಿಡುಗಡೆ (ವಿಮೋಚನೆ) – 1970
      Bidugade (Vimochane – 1970
  13. ಪ್ರಣವ ಪ್ರಕಾಶ
      Pranava Prakasha
  14. ಚಿದಾಕರ ಗೀತಾ (ಪೂಜ್ಯ ಶ್ರೀ ಶ್ರೀ ನಿತ್ಯಾನಂದಸ್ವಾಮಿ) – 1972
      Chidaakara Geeta (Poojya Sri Sri NItyananda Swamy – 1972
  15. ಶಾಂತರ ಸಮ್ಯಗ್ದರ್ಶನ (ಮೈತ್ರೇಯೀ ಯಾಜ್ಞವಲ್ಕ್ಯ ಸಂವಾದ) – 1980
      Shantara Samyagdarshana
  16. Sri Aurobindo’s Philosophy in the Light of Sri Shankara’s in their Own Words – 1977
  17. Thus Spoke Bhagavan Nityananda – 1982
  18. ಭಗವಾನ್ ನಿತ್ಯಾನಂದ ಉವಾಚ – 1982
      Bhavavaan Nityananda Uvacha – 1982
  19. ಭಗವತೀ ಚೂಡಾಲಾ ಆಖ್ಯಾನ – 1979
      Bhagavati Choodaalaa Aakhyana

||ಓಂ ತತ್-ಸತ್||
ಗುರುಭಕ್ತ
ಎಸ್‌ ಆತ್ಮಾರಾಮ
ವ್ಯವಸ್ಥಾಪಕರು, ಶ್ರೀ ದತ್ತಾಶ್ರಮ,
ನುಲೇನೂರು.